അജിത് കുമാറിന്റെ തലയിൽ നിന്ന് ആ തൊപ്പി ഊരിക്കും എന്ന് പറഞ്ഞവന്റെ പേര് അൻവറെന്നാ സി.എമ്മേ, പി.വി.അൻവർ ഫേസ്ബുക്കിൽ കുറിച്ചു.
എ.ഡി.ജി.പി എം.ആർ.അജിത്കുമാറിനെ ക്രമസമാധാന ചുമതലയിൽനിന്നു മാറ്റി. സായുധ ബറ്റാലിയൻ എ.ഡി.ജി.പിയായി തുടരും. ഡി.ജി.പിയുടെ റിപ്പോർട്ടിന്റെ അടിസ്ഥാനത്തിലാണ് അജിത് കുമാറിനെതിരായ നടപടിയെന്നാണ് മുഖ്യമന്ത്രിയുടെ ഓഫീസിന്റെ അറിയിപ്പ്. എ.ഡി.ജി.പി മനോജ് എബ്രഹാമിനാണ് ക്രമസമാധാന ചുമതല.
ആർ.എസ്.എസ് നേതാക്കളുമായിയുള്ള കൂടിക്കാഴ്ചയുടെ പേരിലാണ് നടപടിയെന്ന് പറയുന്നുണ്ടെങ്കിലും ഉത്തരവിൽ അക്കാര്യം വ്യക്തമാക്കുന്നില്ല. പൂരം കലക്കലിൽ അജിത്കുമാറിന്റെ പങ്ക് വ്യക്തമാക്കുന്നതായിരുന്നു ഡി.ജി.പി.യുടെ റിപ്പോർട്ട്. മഖ്യമന്ത്രി രാത്രിയിൽ സെക്രട്ടേറിയറ്റിലെത്തി ശേഷമാണ് ഉത്തരവ് പുറത്തിറങ്ങിയത്.
എഡിജിപി എം.ആർ അജിത് കുമാറിനെ ക്രമസമാധാന ചുമതലയിൽ നിന്ന് മാറ്റിയത്് സ്വാഗതം ചെയ്യുന്നതായി ബിനോയ് വിശ്വം പറഞ്ഞു. എൽഡിഎഫിന്റെ രാഷ്ട്രീയ വിജയമാണ് നടപടിയെന്ന് അദ്ദേഹം വിശദീകരിച്ചു.
‘കേരളത്തിലെ സർക്കാരിന് ഒരു രാഷ്ട്രീയ അടിത്തറയുണ്ട്. ആ രാഷ്ട്രീയം ആർഎസ്എസ് രാഷ്ട്രീയത്തിന്റെ വിപരീത ഭാഗത്താണ്. സർക്കാരിന്റെ പ്രധാനപ്പെട്ട ചുമതലകളിലൊന്നാണ് ക്രമസമാധാന ചുമതല. ആ ചുമതല വഹിക്കുന്ന ഉദ്യോഗസ്ഥൻ ?ദുരൂഹ സാഹചര്യത്തിൽ രണ്ട് തവണ ആർഎസ്എസ് നേതാക്കളെ കണ്ടതായി വെളിച്ചത്തുവരുമ്പോൾ, അതിൽ ഇടതുപക്ഷ സർക്കാരിന് ഉത്തരം പറയേണ്ട കടമയുണ്ട്. ആ ഉത്തരമാണ് ഈ നടപടി.’- ബിനോയ് വിശ്വം പറഞ്ഞു.
നിയമസഭ സമ്മേളനം ആരംഭിക്കവെ ആരോപണങ്ങളിൽനിന്നു രക്ഷപ്പെടാനുള്ള തന്ത്രമാണ് ഇതെന്നു പ്രതിപക്ഷം ആരോപിച്ചു.
എഡിജിപിയുടെ മാറ്റത്തിൽ പി.വി.അൻവറിന്റെ പ്രതികരണം ഇങ്ങനയാണ് അജിത് കുമാറിന്റെ തലയിൽ നിന്ന് ആ തൊപ്പി ഊരിക്കും എന്ന് പറഞ്ഞവന്റെ പേര് അൻവറെന്നാ സി.എമ്മേ,,
പി.വി.അൻവർ പുത്തൻ വീട്ടിൽ അൻവർ എന്നാണ് പി.വി.അൻവർ ഫേസ്ബുക്കിൽ കുറിച്ചു.
