മൂവാറ്റുപുഴ: വാഹനാപകടത്തിൽ പരിക്കേറ്റ് ചികിത്സയിലായിരുന്ന അസ്സിസ്റ്റന്റ് കൃഷി ഓഫീസർ മരിച്ചു. ആരക്കുഴ കൃഷി ഓഫിസിലെ അസിസ്റ്റന്റ് കൃഷി ഓഫീസർ നേര്യമംഗലം തണ്ടികച്ചാലിൽ ടി.ജെ. ബിനു (43) ആണ് മരിച്ചത്. ചൊവ്വാഴ്ച ആരക്കുഴ മാളികപ്പീടികയിൽ കാറും സ്‌കൂട്ടറും കൂട്ടിയിടിച്ചുണ്ടായ അപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്നു.
സ്‌കൂട്ടറിൽ ആരക്കുഴയിൽ നിന്ന് പണ്ടപ്പിള്ളിയിലേയ്ക്ക് പോവുകയായിരുന്നു ബിനു. അപകടത്തിൽ ഗുരുതരമായി പരിക്കേറ്റ ബിനു കോലഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്ന് ഉച്ചയ്ക്ക് രണ്ടുമണിയോടെയാണ് മരണം സംഭവിച്ചത്. ബിനുവിനോടൊപ്പം സ്‌കൂട്ടറിലുണ്ടായിരുന്ന ആരക്കുഴ ആച്ചക്കോട്ടിൽ ഉത്തമൻ (65) കോലഞ്ചേരി മെഡിക്കൽ കോളേജിൽ ചികിത്സയിലാണ്.
