എറണാകുളം റൂറൽ ജില്ലാ പോലീസിന്‍റെ വാർഷിക കായിക മത്സരങ്ങൾക്ക് തുടക്കമായി. ഇതോടനുബന്ധിച്ച് ഫുട്ബോൾ മൽസരങ്ങൾ ആലുവയിൽ ആരംഭിച്ചു.
ജില്ലാ പോലീസ് മേധാവി വിവേക് കുമാർ മത്സരം ഉദ്ഘാടനം ചെയ്തു. അഡീഷണൽ എസ്.പി ടി.ബിജി ജോർജ്, ഡി.വൈ.എസ്.പിമാരായ പി.കെ.ശിവൻ കുട്ടി, എം.കെ.മുരളി, സജി മാർക്കോസ്, എസ്.എച്ച്ഒ മാർ തുടങ്ങിയവർ പങ്കെടുത്തു. അഞ്ച് സബ് ഡിവിഷൻ, ഡി.എച്ച്.ക്യു സ്പെഷ്യൽ യൂണിറ്റുകൾ എന്നിവിടങ്ങളിൽ നിന്നായി 8 ടീമുകൾ മത്സരിക്കുന്നു. ഉദ്ഘാടന മത്സരത്തിൽ മുനമ്പം സബ് ഡിവിഷൻ വിജയിച്ചു. 19 ന് ഫൈനൽ നടക്കും. കൂടാതെ വരും ദിവസങ്ങളിൽ റൂറൽ ജില്ലയിലെ വിവിധയിടങ്ങളില്‍ വച്ച് ക്രിക്കറ്റ്, വോളി ബോൾ, ഷട്ടിൽ ബാഡ്മിന്റൻ, അത്ലറ്റിക്സ്, വടം വലി മത്സരങ്ങളും നടത്തും.
