തൃപ്പൂണിത്തുറ : തൃപ്പൂണിത്തുറയിൽ സ്‌കൂട്ടറിൽ ബൈക്കിടിച്ച് പിറവം സ്വദേശിയായ യുവതി്ക്ക് ദാരുണാന്ത്യം. പിറവം എക്സൈസ് കടവിന് സമീപം ചാരച്ചാട്ട് പള്ളിപ്പറമ്പിൽ സിബിന്റെ ഭാര്യ കാവ്യയാണ് മരിച്ചത്.
വെള്ളിയാഴ്ച രാവിലെ 9.30 ഓടെ തൃപ്പൂണിത്തുറ എസ.്എൻ ജംഗ്ഷനിൽ വച്ച് യു-ടേൺ എടുത്ത ബൈക്ക് ഇടിച്ചാണ് അപകടം. സ്‌കൂട്ടറിൽനിന്നു തെറിച്ചു റോഡിലേക്കുവീണ യുവതിയുടെ ദേഹത്ത് ബസ് കയറിയാണ് മരണം സംഭവിച്ചത്. ഉടൻ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. കടവന്ത്രയിലെ സിനർജി ഓഷ്യാനിക് സർവീസ് സെന്ററിലെ സീനിയർ എക്‌സിക്യൂട്ടീവാണ് കാവ്യ. ശ്രദ്ധയി്‌ലലാതെ ബൈക്ക് യുടേൺ എടുത്തതാണ് അപകടത്തിനിടയാക്കിയതെന്നു പറയുന്നു. അപകടം ഉണ്ടാക്കിയ ബൈക്ക് നിർത്താതെ പോയി.
