മൂവാറ്റുപുഴ: വാഹനാപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. പേഴയ്ക്കാപ്പിള്ളി പുന്നോപ്പടി വെള്ളരിപ്പിൽ പിതാവ്: ഇസ്മായിലിന്റെ മകൻ മനാഫ് (30)ആണ് മരിച്ചത്. കഴിഞ്ഞ വെള്ളിയാഴ്ച ഉച്ചയ്ക്ക് രണ്ടോടെ പേഴക്കാപ്പിള്ളി കെ.എസ്.ഇ.ബി ചാർജിങ് സ്റ്റേഷന് സമീപമാണ് അപകടം. മനാഫ് സഞ്ചരിച്ച ബൈക്കും,എതിരെ വന്ന പിക്ക്അപ്പ് വാനും തമ്മിൽ കൂട്ടിയിടിച്ചാണ് അപകടം ഉണ്ടായത്.
അപകടത്തെതുടർന്ന് എറണാകുളത്തെ സ്വകാര്യ ആശുപത്രിയിൽ ചികിത്സയിലിരിക്കെയാണ് മനാഫ് മരിച്ചത്. കബറടക്കം ചൊവ്വാഴ്ച 3.30ന് പുന്നോപ്പടി ജുമാമസ്ജിദ് ഖബർസ്ഥാനിൽ. പരേതൻ പേഴയ്ക്കാപ്പിള്ളിയിലെ സ്വകാര്യസ്ഥാപനത്തിലെ ജീവനക്കാരനാണ്. മാതാവ് : നബീസ, സഹോദരി മാഹിന. ഭാര്യ :മുഹ്‌സീന (ഐ.ടി കമ്പനി ജീവനക്കാരി). കഴിഞ്ഞ ഫെബ്രുവരിയിലായിരുന്നു മനാഫിന്റെ വിവാഹം.
