പെരിന്തൽമണ്ണ: മലപ്പുറം പെരിന്തൽമണ്ണ ആക്കപ്പറമ്പിൽ ഗുഡ്‌സ് ഓട്ടോറിക്ഷ പൊട്ടിത്തെറിച്ചു ഒരു കുടുംബത്തിലെ മൂന്ന് പേർ മരിച്ചു. മുഹമ്മദ്, ഭാര്യ ജാസ്മിൻ, മകൾ ഫാത്തിമത്ത് സഫ എന്നിവരാണ് മരിച്ചത്. 5 വയസുള്ള കുട്ടിയെ പൊള്ളലോടെ ആശുപത്രിയിൽ പ്രവേശിപ്പിച്ചു.
വാഹനത്തിൽ സ്‌ഫോടകവസ്തുക്കൾ ഉണ്ടായിരുന്നുവെന്നു സംശയമുണ്ട്. ഭാര്യയെയും മകളെയും തീകൊളുത്തി കൊന്നശേഷം ഭർത്താവ് കിണറ്റിൽ ചാടിയതായാണെന്നാണ് പ്രാഥമികമായി പുറത്തുവരുന്ന വിവരം. സ്‌ഫോടനശബ്ദം കേട്ടെന്ന് നാട്ടുകാർ പറയുന്നു. കിണറ്റിൽ നിന്നാണ് മുഹമ്മദിൻറെ മൃതദേഹം കിട്ടിയത്. ജാസ്മിനും മകളും ഓട്ടോയ്ക്ക് ഉള്ളിലായിരുന്നു. ഭാര്യുടെ വീടിനു സമീപത്താണ് സംഭവം ഞെട്ടിക്കുന്ന സംഭവം നടന്നത്.
പൊള്ളലേറ്റ കുട്ടിയെ കോഴിക്കോട് മെഡിക്കൽ കോളജ് ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചു.
