പല്ലാരിമംഗലം പഞ്ചായത്ത് പതിമൂന്നാം വാർഡിലെ പുലിക്കുന്നേപ്പടി കണിയാംപറമ്പില്‍ റോഡ് പഞ്ചായത്ത് പ്രസിഡന്റ് ഖദീജ മുഹമ്മദ് ഉദ്ഘാടനം ചെയ്തു. ഗ്രാമ പഞ്ചായത്തിൻ്റെ 2021 – 2022 വാര്‍ഷിക പദ്ധതിയില്‍ ഉൾപെടുത്തി 4.5 ലക്ഷം രൂപ മുടക്കിയാണ് റോഡ് കോണ്‍ക്രീറ്റ് ചെയ്തത്.12 വര്‍ഷം പഴക്കമുള്ള റോഡാണ് സഞ്ചാരയോഗ്യമാക്കിയത്. വാര്‍ഡ് അംഗം എ.എ രമണന്‍ അധ്യക്ഷനായി. പഞ്ചായത്ത് വൈസ് പ്രസിഡന്റ് ഒ.ഇ. അബ്ബാസ്, സി.പി.ഐഎം ലോക്കല്‍ സെക്രട്ടറി എം.എം. ബക്കര്‍, പി കെ മുഹമ്മദ്, പി സി അനില്‍കുമാര്‍ എന്നിവര്‍ പങ്കെടുത്തു.
