ബഹ്റൈനിലെ പ്രമുഖ അസറ്റ് മാനേജ്മെന്‍റ് സ്ഥാപനമായ ‘സീക്കോയുടെ മിഡിൽ ഓഫീസ് മേധാവിയായി മലയാളിയായ നിമിത നാസർ നിയമിതയായി. മാഹി സ്വദേശിനിയായ നിമിത
ബഹ്റൈനിലെ അന്താരാഷ്ട്ര ബാങ്കുകളിലും ധനകാര്യ സ്ഥാപനങ്ങളിലും 15 വർഷത്തെ പരിചയ സമ്പത്തുമായാണ് സ്ഥാനമേൽക്കുന്നത്. ചുമതലയേൽക്കുന്നത്. 2018ൽ അസറ്റ് മാനേജ്മെന്‍റ് ഇക്വിറ്റീസ് ഡിപ്പാർട്ട്മെന്‍റിൽ പോർട്ട്ഫോളിയോ അഡ്മിനിസ്ട്രേറ്ററായാണ് സീക്കോയിൽ ചേർന്നത്. അതിന് മുമ്പ് എച്ച്.എസ്.ബി.സി സെക്യൂരിറ്റീസ് സർവീസസിൽ ക്ലയന്‍റ് സർവീസസ് മാനേജരായിരുന്നു. ചാർട്ടേഡ് അക്കൗണ്ടന്‍റായ നിമിത ചാർട്ടേഡ് സർട്ടിഫൈഡ് അക്കൗണ്ടന്‍റ്സ് അസോസിയേഷൻ, യു.കെയിലെ ചാർട്ടേഡ് ഇൻസ്റ്റിറ്റ്യൂട്ട് ഓഫ് സെക്യൂരിറ്റീസ് ആന്‍റ് ഇൻവെസ്റ്റ്മെന്‍റ് (സി.ഐ.എസ്.ഐ) എന്നിവയിൽ അംഗവുമാണ്. ചീഫ് റിസ്ക് ഓഫീസറായി ഓവൻ വാലിസും നിയമതിനായി.
