രാമമംഗലം ഹൈസ്‌കൂളിൽ വേനൽക്കാല കായിക പരിശീലന ക്യാമ്പിന് തുടക്കമായി.ഫുട്‌ബോൾ,വോളിബോൾ എന്നിവയിലാണ് പരിശീലനം നൽകുന്നത്.
ആദ്യ ദിനം തന്നെ നൂറിലധികം കുട്ടികൾ പരിശീലനത്തിൽ പങ്കെടുക്കാൻ എത്തി ചേർന്നു.ഫുട്‌ബോൾ പരിശീലനത്തിന് സ്‌കൂളിലെ കായിക അധ്യാപകൻ ഷൈജി സ ജേക്കബ്,കുര്യാക്കോസ് ടി.വൈ എന്നിവരും വോളിബോൾ പരിശീലനത്തിന് ബിജു ചക്രപാണിയുമാണ് നേതൃത്വം നൽകുന്നത്.
അടുത്ത മാസത്തിൽ സ്‌പോർട്‌സ് കൗൺസിൽ സഹകരണത്തോടെ പഞ്ചായത്തിലെ മുഴുവൻ കുട്ടികൾക്കുമായി പരിശിലന ക്യാമ്പ് നടത്തുവാനുള്ള ഒരുക്കത്തിൽ ആണെന്ന് ഹെഡ്മാസ്റ്റർ മണി പി കൃഷ്ണൻ, ഷൈജി സ ജേക്കബ് എന്നിവർ പറഞ്ഞു.
