മലപ്പുറം : പുറത്തൂർ ഭാരതപ്പുഴയിൽ കക്ക വാരാനിറങ്ങി ആറ് അംഗ സംഘത്തിലെ രണ്ടുസ്ത്രീകൾ തോണി മറിഞ്ഞ് മരിച്ചു. പുതുപ്പള്ളി നമ്പ്രം ഈന്തു കാട്ടിൽ ഹംസയുടെ ഭാര്യ റുഖിയ (65), പരേതനായ വിളക്കത്ര വളപ്പിൽ മുഹമ്മദിൻറെ ഭാര്യ സൈനബ (54) എന്നിവരാണ് മരിച്ചത്്. രണ്ടുപേരെ കാണാതായി.
പുറത്തൂർ പുതുപ്പള്ളി നമ്പ്രം കടവിൽ ശനിയാഴ്ച വൈകിട്ട് ആറ് മണിയോടെയാണ് അപകടം. കുയ്യിനി പറമ്പിൽ അബൂബക്കർ (55), ഇട്ടിക പറമ്പിൽ സലാം (54) എന്നിവരെയാണ് കാണാതായത്. ഉറുങ്ങാട്ടിൽ ബീപാത്തു (60), മകൾ റസിയ (42) എന്നിവരെ നാട്ടുകാർ രക്ഷപ്പെടുത്തി ആശുപത്രിയിലെത്തിച്ചു.
കാണാതായവർക്കായി നാട്ടുകാരും അഗ്‌നിരക്ഷാസേനയും പൊലീസ്, റവന്യൂ സംഘങ്ങളും ചേർന്ന് തിരച്ചിൽ തുടരുകയാണ്.
