കാട്ടാന ഓടിച്ച യുവാവ് മരത്തിൽ നിന്നു വീണു മരിച്ചു

ഉസ്മാൻ അഞ്ചുകുന്ന്

മാനന്തവാടി: കാട്ടാനയുടെ അക്രമത്തിൽ നിന്നും രക്ഷപ്പെടാനായി മരത്തിൽ കയറിയ ആദിവാസി യുവാവ് മരക്കൊമ്പൊടിഞ്ഞ് വീണു മരിച്ചു. തിരുനെല്ലി അപ്പപ്പാറ മല്ലിക കോളനിയിലെ രാജു ഗൗരി ദമ്പതികളുടെ മകൻ രതീഷ് 24 ആണ് മരണമടഞ്ഞത്. എസ്റ്റേറ്റ് തൊഴിലാളിയായ രാജേഷ് കാട്ടാന കാവലിന് പോയതായിരുന്നു. അതിനിടയിലാണ് കാട്ടാന ഓടിച്ചത് സുഹ്യത്ത് നാഗേഷും ഒപ്പമുണ്ടായിരുന്നു. നാഗേഷ് ഓടി രക്ഷപ്പെട്ടു. രതീഷ് മരത്തിൽ നിന്നും താഴെ വീണ് മരിച്ച നിലയിൽ പിന്നീട് കണ്ടെത്തുകയായിരുന്നു