മലയാളി മാധ്യമ പ്രവർത്തക ഹൈദരാബാദിൽ വാഹനപകടത്തിൽ മരിച്ചു. പടിയൂർ സ്വദേശി നിവേദിത സൂരജ് (26) ആണ് മരിച്ചത്. ഹൈദരാബാദിൽ ഇ.ടിവി ഭാരത് ചാനൽ ജീവനക്കാരി ആയിരുന്നു. രാവിലെ ജോലിക്കു പോകുമ്പോൾ റോഡ് മുറിച്ചു കടക്കുന്നതിനിടെ കാർ ഇടിക്കുകയായിരുന്നു. സംസ്‌കാരം നാളെ രാവിലെ 9 ന് പടിയൂരിലെ വീട്ടുവളപ്പിൽ നടക്കും. ഇടിവി ഭാരത് കേരള ഡെസ്കിലെ കണ്ടന്റ് എഡിറ്ററായിരുന്നു.
ഒപ്പമുണ്ടായിരുന്ന മഹാരാഷ്ട്ര സ്വദേശിനിയും ഇടിവി ഭാരത് ഉത്തർപ്രദേശ് ഡെസ്കിലെ കണ്ടന്റ് എഡിറ്ററുമായ സോനാലി ചാവേരിയെ ഗുരുതര പരിക്കുകളോടെ ഹൈദരാബാദിലെ സ്വകാര്യ ആശുപത്രിയിൽ പ്രവേശിപ്പിച്ചു.
