മൂവാറ്റുപുഴ: തൊടുപുഴ കോളേജ് വിദ്യാർഥികൾ സഞ്ചരിച്ച കാർ നിയന്ത്രണം വിട്ട് താഴ്ചയിലേക്ക് മറിഞ്ഞു ഒരാൾ മരിച്ചു. അഞ്ചു പേർക്ക് പരിക്ക്. ഇതിൽ രണ്ടുപേരുടെ നില ഗുരുതരം.പുത്തൻകുരിശ് മലയിൽ ആയുഷ ബോബി (20)ആണ് മരിച്ചത്.ഒപ്പമുണ്ടായിരുന്നു സുഹൃത്തുക്കളായ എൻ.ആർ വിഷ്ണു,അശ്വക് അഹമ്മദ് എന്നിവരെ ഗുരുതര പരിക്കുകളോടെ കോലഞ്ചേരി മെഡിക്കൽ കോളേജ് ആശുപത്രിയിലും,അരുൺ ദിനേശ്,ഫസലു റഹ്മാൻ,സ്റ്റേഫിൻ വിൽസൺ എന്നിവരെ മൂവാറ്റുപുഴ നിർമ്മല ആശുപത്രിയിലും പ്രവേശിപ്പിച്ചു.
തൊടുപുഴ-മൂവാറ്റുപുഴ സംസ്ഥാനപാതയിൽ നിർമ്മല ഹോസ്റ്റൽ ജംഗ്ഷന് സമീപം ഇന്ന് രാവിലെ ഒമ്പതോടെയാണ് അപകടമുണ്ടായത്.ഇവർ സഞ്ചരിച്ച കാർഹോസ്റ്റൽ ജംഗ്ഷനിൽ വച്ച് നിയന്ത്രണം വിട്ട് ആറടി താഴ്ചയിലേക്ക് മറിയുകയായിരുന്നു. എതിരെ വന്ന കാറിനെ മറികടക്കവെ നിയന്ത്രണം വിട്ട് സ്വകാര്യ വ്യക്തിയുടെ പറമ്പിലേക്കാണ് കാർ മറിഞ്ഞത്.
അപകടത്തിൽ കാർ പൂർണമായി തകർന്നു.
