ജോർജ്കുട്ടി പാടത്ത് (55) ആണ് മരിച്ചത്.
രാമമംഗലം: കാർ അപകടത്തിൽ രാമമംഗലം പഞ്ചായത്ത് മുൻ വൈസ് പ്രസിഡന്റ് മരിച്ചു ജോർജ്കുട്ടി പാടത്ത് (55) ആണ് മരിച്ചത്.
തൃശ്ശൂരിലേയ്ക്ക് പോകവെ ട്രെയിലറിനുപിന്നിൽ കാർ ഇടിക്കുകയായിരുന്നു. വടക്കഞ്ചേരി-മണ്ണുത്തി ദേശീയപാതയിൽ പന്തലാംപാടം പെട്രോൾ പമ്പിന് സമീപം ചൊവ്വാഴ്ച രാവിലെ 6.30 ഓടെയാണ് അപകടമുണ്ടായത്.
കാറോടിച്ചിരുന്ന ഡ്രൈവർ സജിൻ ഗുരുതരമായി പരിക്കേറ്റു ആശുപത്രിയിലാണ്. അപകടം നടന്ന ഉടൻ ഇരുവരെയും സ്വകാര്യ ആശുപത്രിയിൽ പ്രവേശിപ്പിച്ചുവെങ്കിലും ജോർജ്കുട്ടിയുടെ ജീവൻ രക്ഷിക്കാനായില്ല. നാട്ടുകാരും ഹൈവേ പോലീസും സ്ഥലത്തെത്തി കാർ വെട്ടിപ്പൊളിച്ചാണ് ഇരുവരെയും പുറത്തെടുത്തത്. മുൻ ബ്‌ളോക്ക് പഞ്ചായത്ത് അംഗവുമായിരുന്നു.
