പാലക്കാട്.മറഡോണയുടെ സ്വര്‍ണശില്‍പ്പവുമായുള്ള ബോചെയുടെ ഖത്തര്‍ ലോകകപ്പിനായുള്ള യാത്ര ആറാം ദിവസം പാലക്കാടെത്തി. ആറാം ദിവസത്തെ യാത്ര വടക്കഞ്ചേരി ഐ.എച്ച്.ആര്‍.ഡിയില്‍ നിന്നും ആരംഭിച്ചു.കോളജ് യൂണിയന്‍ ചെയര്‍മാന്‍ അനിരുദ്ധ് ബോചെയെ പൊന്നാടയണിയിച്ചു. കോളേജിലെ മികച്ച വിദ്യാര്‍ത്ഥികളായ വിഷോയ്, സൂര്യകിരണ്‍ എന്നിവരെ ചടങ്ങില്‍ അനുമോദിച്ചു. ആലത്തൂര്‍ ബി.എസ്.എസ് ഗുരുകുലം സ്‌കൂളില്‍ നടന്ന ചടങ്ങില്‍ സ്‌കൂള്‍ പ്രിന്‍സിപ്പല്‍ ഡോ. വിജയ് വി. ആനന്ദ്, ബോചെ ഫാന്‍സ് ആപ്പ് ഗെയിം കളിച്ച് വിജയിയായ ആനന്ദകൃഷ്ണന് സമ്മാനതുകയായ ഒരു ലക്ഷം രൂപയുടെ ചെക്ക് ബോചെ കൈമാറി.മലമ്പുഴ പാര്‍ക്കില്‍ നടന്ന സ്വീകരണത്തില്‍ പാലക്കാട് ഡി.ടി.പി.സി സെക്രട്ടറി സില്‍ബേര്‍ട്ട്്, പാലക്കാട് പ്രസ്‌ക്ലബ്ബ് സെക്രട്ടറി മധുസൂദനന്‍ കര്‍ത്ത എന്നിവര്‍ സംസാരിച്ചു
